صباح الخير الناس الكل انا اصيلة معتمدية عمدون من منطقة اسمها بورويس وعلى فكرة المنطقة هذي قريبة برشة من الولاية يعني في 10دق اوبالاكثر 15دق توصل لوسط باجة لكن للاسف البلاصة هذي تعاني من مشكل المياه ديما الماء مقصوص يرجعوه ساعة من زمان ويعاودو يقصوه يا ناس يا مسؤولين راوه حرام عليكم راهي ثمة ناس كبيرة في العمر ومريضة وتحتاج للماء يمكن اكثر من الماكلة راهو الانسان مينجمش يعيش بلاش ماء والبلاصة هذي الماء تابع للجمعية وكيف يجو باش ياخذو خلاصهم الناس تنقص من قوت صغارها ومصروف دارها باش تخلصهم المهم باش الماء يبقى يمشي وما يقصش عليهم وهما ديما قاصينه بتعلة انو ثمة ناس موش مخلصة ايعقل في 2023 وناس قاعدة تجيب في الماء على البهايم البلاصة هذي يرجعولهم الماء مرة في الجمعة ويرجعوه في وقت متاخر من الليل ويقصوه صباح بكري الناس معادش شبعانة من النوم البلاصة هذي لاهي متمتعة بفروحات لاهي متمعة بدوش في الصيف مع العلم انو الصيف هذا فيه برشة حرايق وهما قاصين عليهم الماء راهو حرام راهو الماء هو كل شيء في حياة الانسان راهي ناس قاعدة تموت لذا نطلب من السلطات المعنية بالنسبة للمنطقة هذي شوفولها حل وخليها تكون تابعة لشركة استغلال وتوزيع المياه(SONED) وخلي كل واحد مسؤول على فاتورته الي ما يخلصش قوصولو على دارو وشكرا
